expr:class='"loading" + data:blog.mobileClass'>

الأحد، 14 مايو، 2017

تلات اشيا

في تلات اشيا لازم نحكي فيهن
دايما تلات اشيا
ولا مرة كان شي واحد
ولا مرة كان ولا شي


بفتح كل يوم الموبايل لشوف رسالتك اللي ما بتكتبها
صباح الخير اللي ما بتبعته
شوقك اللي ما بتملكه
هادا اول شي

في تلات اشيا معلّقة بالهوا
تلات اشيا معلْقة معي
في اشيا واشيا

مرة وعدتني تقرالي كل شي
مرة وعدتني تبعتلي كل سبت أغنية
مرة وعدتني تخطبني
ومرات نسيت
ومرات اكتر كذبت
بس ولا مرة وفيت
هادا ولاشي

في تلات اشيا لازم نقرر بشأنهن
واحد منن انك مش منن
في تلات اشيا
ولا مرة كان ولاشي

لمن بفتح رسايلي ألك بشوف حالي
كل كلمة هي أنا
حتى لمن سبّك و عايرك
حتى لمن بوس ايديك لترجع ترد عليي
هادا تاني شي

في تلات اشيا لازم نحكي فيها
تلات اشيا مهمين كتير
تلات اشيا مصيريين لحياتك و لشغلك
لازم تحاكيني بسرعة بليز
رد عليي بليز
بليز
ما تتأخر
هادا تالت شي 

ليست هناك تعليقات:

إرسال تعليق