رح تتصلي فيّ
متل كل مرة
وتعاتبيني و تتخانقي معي
رح تذكريني بحبك إلي و بتضحياتك
رح تذكريني وتعددي نكراني وهفواتي
و كذباتي
رح تقولي
"رح تظل وحيد
مارح تلاقي متلي ابدا
ولا متل الحب اللي حبيتك ياه"
رح قلك ماشي،
موفارق معي
و اني راضي
بهالقدر الموحش
بس رح كون عم اكدب عليكي
لإني لا مصدقك ولا مصدق حبك
وبعرف اني رح لاقي ناس كتير بتحبني
وبنات يشغفوا بكل جنوني و تهاوني
وانعدام مسؤوليتي
رح لاقي دايما حدا يحبني
بس رح قلك انو ماشي بس لاثبتلك
اني بفضّل عيش وحيد
ولا عيش مع وحدة متلك
ليست هناك تعليقات:
إرسال تعليق